Компанијата Tiktok претстави нова алатка базирана на вештачка интелигенција наречена „AI Alive“, која им овозможува на корисниците да ги претвораат статичните фотографии во кратки видеа со едноставно внесување текст.

Оваа опција се користи преку камерата „TikTok Story“, а според компанијата, станува збор за „интелигентна алатка за уредување“ која им овозможува на корисниците – без оглед на претходното искуство – да додадат движење, атмосфера и креативни ефекти на своите фотографии.

Корисниците внесуваат текстуален опис на саканото видео, а Tiktok нуди стандарден предлог: „оживеј ја оваа фотографија“.