Бразилскиот фудбалер Нејмар (31) призна дека ја изневерил својата трудна девојка Бруна Бјанкарди (28), објавувајќи јавно извинување до неа.

Инфлуенсерката Фернанда Кампос (31) откри дека имала афера со Нејмар и дека тие биле интимни на бразилскиот Ден на вљубените – 12 јуни.

Оваа скандалозна вест доаѓа откако двојката објави дека го очекува нивното прво дете. Во април годинава убавата Бјанкарди објави неколку фотографии со Нејмар и со нејзиниот труднички стомак.

Јавното извинување на фудбалерот гласи:

Бру, го правам ова за вас двајцата и за твоето семејство.

Да се обидам да го оправдам она што не може да се оправда. Нема потреба. Но, ми требаш во животот.

Видов колку многу те изложив пред јавноста, колку страдаше од сето ова и колку многу сакаш да си до мене. А и јас до тебе.

Погрешив.

Ти згрешив тебе.

Се осмелувам да кажам дека грешам секој ден, на теренот и надвор од него. Но, грешките во личниот живот ги разрешувам дома, приватно со моето семејство и пријателите…

Сето ова ја засегна една од најспецијалните личности во мојот живот. Жената за која сонував да биде до мене, мајката на моето дете. Го засегна твоето семејство, кое денес е мое семејство. Ја засегна твојата интимност во толку специјален момент каков што е мајчинството.

Бру, веќе побарав да ми простиш за моите грешки, за непотребната изложеност, но чувствувам обврска да го направам и јавно. Ако приватен проблем стане јавен, извинувањето треба да биде јавно.

Не можам да се замислам без тебе.

Не знам дали ќе успееме да останеме заедно, но денес знам дека сакам да се обидеме.

Нашата цел ќе надвладее, нашата љубов за нешто бебе ќе победи, нашата љубов еден за друг ќе нè направи посилни.

Ние, засекогаш

Те сакам.

Пред неколку дена, неколку странски медиуми објавија дека оваа двојка има отворена врска и дека Бјанкарди му дозволила на Нејмар „да флертува и да има сексуални односи со други девојки“, но му дала листа со неколку услови – да биде дискретен за аферите што ги има, да не спие со проститутки и да не ги бакнува во уста.

ФОТО | Нејмар и неговата девојка Бруна Бјанкарди објавија дека го чекаат своето прво дете