Денеска со жрепка се дознаа полуфиналните парови во кошаркарската ФИБА Лига на шампионите.

Бранителот на титулата Леново Тенерифе од Шпанија за противник на 12 мај ќе го има Хапоел Ерусалим од Израел со почеток од 17.30 часот.

Истиот ден ќе се игра и вториот полуфинален меч, вториот шпански претставник, домаќинот Уникаха ќе игра против германскиот Телеком Баскетс Бон.

Потсетување дека за Телеком Баскетс Бон настапува македонскиот репрезентативец Ти Џеј Шортс кој е еден од најзаслужните што Германците се на Ф4 турнирот.

Финалето ќе се игра на 14 мај, а пред овој меч ќе се одигра и натпреварот за третото место.