Реал Мадрид можеби и до крајот на календарската година ќе мора да биде без својот најдобар стрелец, Винисиус Жуниор.

Бразилскиот офанзивец во натпреварот против Леганес се здобил со повреда на задната ложа и ќе мора да паузира. Тоа секако ќе биде удар за тимот на Анчелоти бидејќи Винисиус од почетокот на сезоната постигна 12 погодоци и асистираше за осум.

Реал Мадрид сега го чека натпревар против Ливерпул во Лигата на шампионите и во тој дуел му е потребна победа за да продолжи да се бори за место помеѓу најдобрите осум. „Кралевите“ не објавија колку ќе паузира Винисиус, но се претпоставува дека најрано што би можел да се врати Бразилецот е дуелот со Севиља на 22 декември, тој е и последен натпревар за гигантот од Мадрид оваа година.

Распоредот на Реал Мадрид до крајот на годината:

27 ноември, Лига на шампиони, Ливерпул
1 декември, Ла Лига, Хетафе
4 декември, Ла Лига, Атлетик
7 декември, Ла Лига, Жирона
10 декември, Лига на шампиони, Аталанта
14 декември, Ла Лига, Рајо Ваљекано
22 декември, Ла Лига, Севиља