Џесика Симпсон (45), пејачката која во последните години постојано привлекуваше внимание со својата трансформација, повторно ја заинтригира јавноста.

Имено, во петокот навечер, таа беше видена со својот отуѓен сопруг, поранешниот американски фудбалер Ерик Џонсон (45), а двајцата ја бодреа сестрата на пејачката, Ешли Симпсон, за време на настап во Лас Вегас.

Видеото објавено од Ти-ем-зи го покажува парот како се обидува да остане во позадина додека влегува во ноќниот клуб „Волтер“ во хотелот „Венецијан“. Ним им се придружи група пријатели и иако не покажаа никаква наклонетост, двајцата го гледаа настапот од трибините. Во еден момент, како што покажува видео на ТикТок, тие дури и се оддалечија додека Ешли го започнуваше својот настап. Родителите на сестрите Симпсон, Џо и Тина, исто така беа на концертот.

@shelbyyynh @Ashlee Simpson Ross ♬ sonido original – 🐚🐝

Порано истата вечер, двојката беше фотографирана како се качуваат заедно на летот за Лас Вегас на аеродромот Бурбанк. Џесика одеше неколку чекори зад Ерик, а фотографиите од авионот ги покажуваат како седат во ист ред, но со празно седиште помеѓу нив.