Тетово доби земјиште на кое ќе се гради филтер-станица за фекални води
Владата овозможила Општина Тетово да добие земјиште на кое ќе почне да се гради филтер-станица за третман на фекалните води и проширувањето на канализациската мрежа. Овој капитален проект, не бил реализиран изминатите 10 години а го опфаќа Тетово и околните села. Станува збор за проект кој ќе се реализира во рамките на ИПА 2 програмите.
Препорачано
Во реализацијата на овој проект директен учесник ќе биде Министерството за животна средина и просторно планирање.
По десет години неисполнети ветувања, проблемот со канализацијата Тетово и околина добива решение. Владата на Република Северна Македонија денеска овозможи Oпштина Тетово да добие земјиште на кое ќе започне изградбата на филтер-станицата за третман на фекални води и проширување на канализационата мрежа.
На овој начин градот Тетово со околина ќе реализираат голем проект кој е од витално значење за граѓаните и урбанизмот. Процесот на европеизација значи уредени градови, здрави средини и нула суштински проблеми за достоинствен живот.
Ова е нашата заложба. Реализацијата на оваа заложба започнува во Тетово, велат од Коалицијата Вреди.
