Вчера во 22.26 часот на булеварот „Видое Смилевски Бато“ во Тетово полициски службеници од Полициската станица за безбедност на патниот сообраќај Тетово го привеле педесет и двегодишниот С.Н. од тетовското село Жилче.

„При сообраќајна контрола, полициските службеници констатирале дека С.Н. управувал патничко моторно возило „мазда“ со тетовски регистарски ознаки под дејство на алкохол, односно му биле измерени 2.63 промили алкохол во крвта. По целосно документирање на случајот, против С.Н. ќе биде поднесена пријава по член 297 – а од Кривичниот законик – „безобѕирно управување со моторно возило“ “, информираат од МВР.