Здружението на граѓани со високо натпросечна интелигенција Менса Македонија в сабота на 13 април организира тестирање на општата интелигенција со цел прием на нови членови.

Тестирањето ќе се одржи во СУГС “Никола Карев” – Скопје, со почеток во 12 часот.

Кандидатите е потребно:

-да имаат полни 16 години,
-да уплатат 500 денари на: примач: Менса Македонија, сметка: 300-0000002113-02 Комерцијална банка, цел на дознака: Тестирање
– да понесат документ за лична идентификација на самото тестирање,
– од претходното тестирање да се поминати најмалку 6 месеци и
– претходно да не се тестирале повеќе од три пати.

Пријавувањето е достапно на следниот линк, каде треба да прикачите и доказ за извршена уплата, заклучно со 12.04.2024.

Во согласност со иницијативата на Менса за подршка на крводарителството, тестирањето е бесплатно за сите крводарители, наместо доказ за уплата, потребно е да приложите крводарителска книшка.

Тестирањето се одвива со стандардизирани тестови за интелигенција на Mensa International и резултатите се тајни. Доколку вашиот резултат е во горните два отсто од светската популација, стекнувате право да станете член на Менса Македонија, а со тоа и на Mensa International.