Роршаховиот тест е повеќе од обична низа дамки од мастило – тоа е прозорец во душата. Роршах верувал дека начинот на кој ја доживуваме една двосмислена слика може да открие длабоки аспекти од нашата личност, емоции, па дури и нашата моментална состојба на умот, пишува „Сенса“.

Швајцарскиот психијатар Херман Роршах е познат по создавањето на психолошкиот тест на личноста „Роршахови дамки од мастило“. Според неговата теорија, начинот на кој човек ја доживува сликата многу зборува за неговиот внатрешен свет и емоционалната состојба во тој момент.

Тестот за првпат бил спроведен во дваесеттите години на 20 век, а оттогаш го направиле неколку милиони луѓе.

Како функционира тестот?

Од испитаникот се бара да протолкува десет дамки од мастило, симетрични во однос на вертикалната оска. Секоја фигура служи како поттик за слободни асоцијации – лицето мора да наведе каква било слика, збор или идеја што ќе му падне на ум.

Тестот се заснова на претпоставката дека она што човекот го гледа во дамката е определено од неговите сопствени карактеристики. Тоа може да укаже и на присуство на одредени опсесивни мисли. На пример, ако сте прогонувани од кошмари – дамките ќе ви изгледаат како чудовишта.

Роршах открил дека оние испитаници кои гледаат правилна симетрична фигура во безоблична дамка од мастило обично добро ја разбираат реалната ситуација, и се способни за самокритика и самоконтрола. Затоа, специфичноста на перцепцијата укажува на особините на личноста.

Картичка 7: Глави или лица

Оваа картичка има црни дамки од мастило што најчесто се поврзуваат со женственоста. Затоа главните интерпретации на сликата се жени и деца, а картата се нарекува „мајчинска“. Доколку лицето има потешкотии да опише што гледа, тоа може да укажува на проблеми со женските фигури во неговиот живот.

Испитаниците во оваа картичка најчесто препознаваат:

• Глави или лица на жени – симбол на чувства поврзани со ликот на мајката. Тие влијаат на ставот кон жените воопшто.
• Детски лица – симбол на чувства поврзани со детството и потребата за грижа за внатрешното дете. Ова може да укажува на потреба за преиспитување и прилагодување на односот со мајката.
• Бакнеж – симбол на желба за љубов и повторно соединување со мајчинската фигура. Тоа може да значи дека некогаш сте имале близок однос со мајката и денес ја барате таа блискост во други односи – романтични или пријателски.