На автопатот „Гоце Делчев“, во близина на клучката Коњари, вчера попладне се случила тешка сообраќајна несреќа во која се превртело патничко возило „Хонда“ со скопски регистарски таблички, информира МВР.

Несреќата се случила на 30 август, околу 13:15 часот, во правец од Свети Николе кон Скопје. Возилото го управувал 36-годишен скопјанец.

Со тешки телесни повреди е здобена малолетна сопатничка, а со полесни повреди возачот, неговата сопатничка и уште едно малолетно лице. Сите повредени се пренесени во Комплексот клиники „Мајка Тереза“ во Скопје.

Екипа на СВР Скопје извршила увид на местото, а причините за несреќата дополнително се утврдуваат.