Манчестер јунајтед ја заврши својата најслаба сезона во историјата на клубот,  без трофеи и без успех во Премиер лигата, каде што целосно разочара. По неуспехот и во Лигата на Европа, атмосферата на „Олд Трафорд“ е полна со разочараност, а првиот што јавно проговори е младиот аргентински репрезентативец Алехандро Гарначо.

Фрустрациите кулминираа по финалето на Лигата на Европа, каде Гарначо доби само 20 минути на теренот, иако беше еден од најзаслужните што тимот стигна до завршницата.

„Играв во сите рунди до финалето, помогнав, а потоа само 20 минути во финалето. Не знам… Целата сезона е катастрофа. Ништо не освоивме и разочаравме во Премиер лигата. Навистина е тешко“, изјави Гарначо.

Тој додаде дека во летото кое следи ќе се обиде да се одмори и да ја среди главата:

„Финалето, целата сезона, ситуацијата во клубот… Ќе се обидам да уживам во летниот одмор, а потоа ќе видиме што ќе се случи“, заврши Гарначо.

Но, тренерот Рубен Аморим не остана должен. Португалецот јавно му возврати на својот фудбалер:

„Лесно е сега да се зборува. Кој ја промаши најголемата шанса во првото полувреме од полуфиналето против Атлетико? Гарначо. Фудбалот е таков“, беше краткиот и директен одговор на Аморим.

Останува да се види дали тензиите помеѓу младиот Аргентинец и тренерот ќе стивнат по одморот, или Манчестер јунајтед ќе влезе во новата сезона со уште подлабоки проблеми.

ВИДЕО | Тотенхем ја освои Лига Европа и си обезбеди пласман во ЛШ