Македонски државјанин е пронајден мртов на улица во Љубљана.

Како што објави словенечкиот портал „24ur.com“ неговото тело било пронајдено во центарот на градот во четвртокот наутро, а како што информира портпаролката на Полициската управа во Љубљана, Шпела Шкопорц, станува збор за 38-годишен маж од Македонија.

Според неофицијални информации на порталот, тој бил претепан до смрт, но полицијата сè уште не го потврдила тоа.

„Полицијата изврши увид на местото на настанот, наредена е судска обдукција, но причината за смртта сè уште не е разјаснета. Интензивна кривична истрага сè уште е во тек. Надлежното државно обвинителство ќе биде информирано за сите наоди“, изјави портпаролката на Полициската управа во Љубљана.