Теквон-до клуб Ге-Бек на 21 јуни 2025 година учествуваше на меѓународниот ИТФ натпревар Охрид Опен.

Клубот настапи со девет натпреварувачи освојувајќи осум медали од кои еден златен, три сребрени и четири бронзени.

Со злато се закити Владимир Димитриевиќ, сребро имаат Методи Проевски, Марија Тунтевска и Божидар Димитриевиќ, а бронза Медина Мусиќ, Миахил Гошевски, Димитар Андоновски и Виктор Рунчевски.

Андреј Рунчевски иако не успеа да се закити со медал имаше извонреден настап, информираат од клубот.

– Со искрена благодарност ја истакнуваме поддршката од Општина Ресен, која е клучна за развојот и ширењето на теквондо спортот во нашиот регион. На последниот натпревар, нашите млади натпреварувачи, со само четири месеци искуство, направија храбар и решителен настап. За некои ова беше прва победа, но за сите – огромно искуство и поттик за понатамошен напредок – стои во објавата на Теквон-до клубот Ге-Бек.