Teче рокот од 48 часа за поднесување приговори за евентуални неправилности поврзани со изборниот ден. Претседателот на Државната изборна Комисија (ДИК) Александар Даштевски за време на денешното продолжение на 98-та седница на комисијата соопшти дека според обработените податоци на ДИК, на вчерашното гласање своето избирачко право го оствариле вкупно 905.971 граѓанин, односно излезноста на првиот круг претседателски избори изнесува 49,93 проценти.

Во вториот круг претседателски избори ќе се соочат Гордана Сиљановска-Давкова и Стево Пендаровски, како што беше тоа случај и на изборите во 2019 година.

Од ДИК соопштија и дека вчера на 3 места во Куманово гласањето било прекинато поради технички проблеми, но затоа што станува збор за мал број гласачи, 872, кои немаат влијание врз крајниот исход, ДИК го поништи гласањето таму и информираа дека таму нема да има прегласување.