Денес на 54-годишна возраст почина спортскиот новинар, Зоран Поповски кој беше дел од порталот „Спортманија“.

Поповски две децении работеше во новинарството, а беше дел од повеќе медиуми како „А1“, „Дневник“, „Екипа“, „Република“, а од 2018 година работеше во „Спортманија“.

Во минатото известуваше од големи спортски настани, меѓу кои се првото историско Европско првенство на Македонија во 2021 година, како и од младинското ЕП во Полска 2017 година.

Пријателите и колегите последниот поздрав ќе го испратат утре каде што од 13:00 часот ќе се одржи погребот на градските гробишта во Бутел, телото во капелата ќе биде изложено од 12:00 часот.