Питер Грин, еден од основачите на познатата рок група „Флитвуд Мек“ почина на 73-годишна возраст.

„Семејството на Питер Грин со голема тага известува дека тој почина во текот на викендот, мирно во сон. Останатите детали ќе бидат објавени наредните денови“, се наведува во соопштението за медиумите.

Грин во 1967 година заедно со тапанарот Мајк Флитвуд ја основале групата „Флитвуд Мек“, а во 1970 година Питер ја напуштил групата бидејќи имал психички проблеми.

Подоцна е откриено дека боледувал од шизофренија, па извесно време се лекувал во психијатриска болница.

Питер Грин се вратил на сцената со новиот состав „Питер Грин сплинтер груп“.