Татко и син од кумановското село Опае загинаа во сообраќајна несреќа која се случила вчера на автопатот Скопје-Куманово пред наплатната станица Миладиновци.

Како што информираат од МВР, триесет и четиригодишниот Б.А од село Опае, управувајќи „мерцедес“ со кумановски регистарски ознаки удрил во сообраќајни знаци и во запрено товарно возило „ман“ со скопски регистарски ознаки, сопственост на правно лице, а паркирано од педесет и осумгодишниот Р.П. од скопското село Глумово. Во несреќата од здобиените повреди на местото на настанот починал возачот Б.А. а со тешки телесни повреди се здобил неговиот малолетен син, кој подоцна починал во Комплексот клиники „Мајка Тереза“ во Скопје.

Во врска со настанот, од слобода биле лишени возачот на товарното возило Р.П. и одговорното лице на правниот субјект П.М.(55) од Скопско.

Извршен бил увид од Јавен обвинител и увидна екипа од СВР Скопје.