По објавата на сторијата на новинарот Фуркан Салиу, се огласи и министерот за здравство Арбен Таравари.

Тој рече дека пред малку дознал за монструозниот случај.

Неговиот коментар е дека доколку овој случај се испостави како вистина, медицинската сестра веднаш ќе биде отпуштена од работното место и тој лично ќе се погрижи веднаш да биде упатена до правните органи.

– Каква и да е вистината, виновниците за овој грозен и болен чин ќе бидат пронајдени и казнети, порача Таравари.

Министерот додава дека на крај каква и да е вистината за случајот со бебето виновниците ќе одговараат.

Рече дека вечерва лично ќе ја посети клиниката за да се сретне со семејството, но и да разговара со персоналот.

Членовите на семејството на тримесечното бебе тврдат дека детето има траги на насилство по телото.

Семејството тврди дека детето било тепано на педијатрија од медицинската сестра бидејќи мајката на детето не знаела да зборува македонски.

Тримесечно бебе било малтретирано од персоналот на Детската клиника, тврди семејството