Министерот за здравство Арбен Таравари денеска формирал комисија за стручен надзор за смртта на петгодишното дете на Детската клиника.

Комисијата е формирана откако Здравствениот инспекторат утврди повеќе недостатоци во постапувањето со пациентот. Министерот потврди дека според симптомите, кај петгодишното дете станувало збор за менигоенцефалит.

ДСЗИ констатирал дека оваа состојба не била лабораториски докажана, како што и пишува на потврдата за смрт. Министерот вели дека анализи има, но не е утврдено дали е вирусно или од бактериска природа. За дежурањето на специјализанти наместо специјалисти на Детската клиника, Таравари вели дека тоа е проблем на на целиот здравствен систем, кој тлее со години поради немањето на доволно специјалисти.

– Бидејќи толку е бројот на специјалисти и не можат толку да дежураат секоја вечер, затоа се ангажираат специјализанти и тоа не е проблем само на Детска, туку во цела држава, вели Таравари.