Поп пејачката Тамара Тодевска на својот Фејсбук профил се извини за грешката со изведувањето на националната химна во амбасадата на САД, по повод националниот празник 4. јули.

„Почитувани,

Дозволете ми од дното на моето срце да ви се извинам за вчерашната грешка.
Не постои поголема чест за еден уметник од пеењето на националната химна и токму поради тоа и ја прифатив поканата од амбасадата на САД.
Не постојат зборови со кои можам да ја опишам мојата тага поради пропустот што го направив при пеењето на химната.
Понесена од емоции и од целокупната еуфорија, за жал, ненамерно изоставив дел од химната.
Уште еднаш ви се извинувам за оваа грешка и се надевам дека ќе најдете простор во вашите срце да ми простите.
Со почит, Тамара“, напиша пејачката на Фејсбук.

https://www.slobodenpecat.mk/namerno-ili-sluchajno-tamara-ja-peeshe-himnata-vo-ambasadata-na-sad-i-gi-izostavi-delchev-gruev-guli-i-sandanski-video/