Српската актерка Тамара Драгичевиќ јавно ја искажа својата поддршка за протестите „Србија против насилството“, кои го критикуваат одговорот на српската власт на двете масовни престрелки минатиот месец, во кои загинаа 18 лица.

Потоа актерката почнала да добива вознемирувачки закани на социјалните медиуми, во кои се спомнуваат и нејзините деца и локациите на кои се наоѓаат, па одлучила да го пријави случајот во полиција.

Српското МВР во неделата попладне ги известило неа и нејзиниот сопруг Петар Бенчина, исто така актер, дека ги презеле информациите од Обвинителството и дека ќе дознаат кој стои зад заканите, пишува „Н1“.

Правната застапничка на парот, Сара Ел Сараг  изјави за „Данас“ дека уште пред две недели, на 2 јуни, поднела кривична пријава до Обвинителството за високо организиран криминал. Тогаш Драгичевиќ ги добила првите закани на социјалните медиуми. Адвокатката сподели дека сѐ уште не добиле „никаква повратна информација од Обвинителството“.

Ел Сараг раскажа дека во првата закана непознато лице ја „предупредило“ актерката да не повикува на протести, туку повеќе да внимава на нејзиното дете кое ја има „завршната претстава во градинка“. Адвокатката додаде дека пријавата ќе биде дополнета откако на Драгичевиќ ѝ пристигнаа нови закани на социјалните медими, „со наведување на локациите каде што се наоѓа нејзиното дете“.

Сопругот на Драгичевиќ, актерот Петар Бенчина изјави за „Данас“ дека заканите биле испратени од анонимни профили и дека е тешко е да им се влезе во трага на луѓето кои ги испратиле заканите.

„Децата се со мене. Ги очекуваме резултатите од истрагата бидејќи се чини дека не е лесно да се следат анонимните закани на Интернет“, изјави Петар Бенчина за „Данас“.

Актерскиот пар и нивното семејство добија огромна поддршка од колегите во овој тежок период.

„Секако, многу ми значи поддршката. Не станува збор само за колегите. Поддршката од сите луѓе од различни професии е навистина неверојатна и, секако, ни дава одредена сигурност и верба дека е можно да се бориме за атмосфера и средина каде што нема да има такви работи, каде што нема да има насилство“, изјави Петар Бенчина за „Данас“.

ФОТО | Парот кој ги освои срцата во филмот „Тома“ на магично зимување од бајките