Српските актери Тамара Драгичевиќ (34) и Петар Пенчина (39), кои важат за еден од најубавите парови на регионалната јавна сцена, наскоро ќе станат родители по третпат.

Покрај објавите за работните ангажмани, тие неретко споделуваат семејни фотографии со децата и мали сегменти од нивното секојдневие на социјалните медиуми.

Двојката е во брак од 2016 година, а ќерката Сташа ја добија кон крајот на истата година. Три години подоцна, во август 2019 година, тие го добија и синот Лазар.

Како што екслузивно објави хрватскиот медиум „Журнал“, сега нивното семејство ќе се зголеми за уште еден член.