Тајван ја започна најдолгата фаза од вежбите со боева муниција како дел од годишните воени маневри Хан Куанг во среда, фокусирајќи се на начините за одговор на хибридните тактички закани од Кина, објави Фокус Тајван, пренесува Анадолија.

Вежбите траат десет дена и се фокусирани на „одговор на сивите зони на вознемирување“, „заеднички операции против слетување, а за време на нив за прв пат ќе бидат претставени неколку парчиња американско оружје.

Ова се најдолгите вежби со боева муниција што Тајван некогаш ги спроведува, а претходните траеја пет дена.

На првиот ден, тајванските сили ќе симулираат сценарија во кои ќе бидат вклучени бродови на кинеската милиција во близина на тајванските води.

Воените бродови ќе бидат распоредени во клучните крајбрежни области како подготовка за можна ескалација, според планот на Министерството за одбрана.

За да се зачува функционирањето на општеството

Мобилните радарски единици и противбродските ракетни системи ќе бидат поставени на стратешки точки, додека специјалните единици ќе ја обезбедуваат клучната инфраструктура како што се пристаништата, со цел да се зачува функционирањето на општеството.

Генерал-мајор Тунг Чи-хсинг, директор на одделот за планирање на заеднички операции при Министерството за одбрана, изјави на 1 јули дека во првите три дена фокусот ќе биде на заеднички одговор на „тактиките на сивата зона“ – присилни дејствија што не го преминуваат прагот на отворен конфликт.

По тие три дена, вежбите ќе преминат во фаза на „целосни борбени операции“, додаде Тунг.

Кина во вторникот ги нарече воените вежби на Тајван „самоизмамнички трик“ од страна на островот.