Најдобрата македонска тенисерка, Лина Ѓорческа остана без полуфинале на турнирот во Куршумлиска Бања откако повторно беше поразена од Австријката Лили Тагер со резултат 1-2 во сетови (3-6, 7-5, 6-7). Овој пораз доаѓа само неколку дена по нејзиниот пораз од Тагер во финалето на турнирот во Букурешт.

Австриската тенисерка започна одлично, поведе со 3-0, а Ѓорческа успеа да возврати и го намали резултатот на 3-4. Меѓутоа, Тагер направи нов брејк и го освои првиот сет со 6-3.

Во вториот сет, Ѓорческа брзо го загуби својот сервис, а Тагер поведе со 2-0, но Македонката се врати со пресврт, освојувајќи го сетот со 7-5 и израмнувајќи на 1-1 во сетови.

Во решавачкиот сет, Тагер го нападна сервисот на Ѓорческа, но таа се одбрани. Сепак, Австриската тенисерка направи брејк во петтиот гем за водство од 3-2. Ѓорческа не се предаде, враќајќи го ударот и израмнувајќи на 5-5.

Мечот заврши со тај-брејк, каде што по голема борба, Тагер на крајот излезе како победник со 7-5.

Преземено од: Спорт.ком.мк