Во градот Чанак во Лика во попладнево се случила трагедија во која загинаа двајца пиротехничари кои деминирале минско поле, јавија хрватските медиуми.

Еден од пиротехничарите починал на лице место, а другиот на пат кон болница со возило на Брза помош.

„Точно е, загинаа пиротехничар и пиротехничарка, а деталите ќе ги дознаеме по истрагата. Деминирањето се одвива таму со години“, изјавија од Хрватскиот центар за деминирање“, пренесува „24 часа“.

Претходно, полициското одделение Лика-Сењ добило дојава дека во местото Чанак, населба Врлет-Скокови, при деминирање на минско поле се случила несреќа на мина, извести полицијата. Несреќата се случила околу 13 часот.