Светската здравствена организација (СЗО) денес објави дека во моментов нема дефинитивни научни докази што би потврдиле можна врска помеѓу аутизмот и употребата на парацетамол за време на бременоста.

Соопштението на СЗО следува по изјавата на портпаролот на Организацијата, Тарик Јашаревиќ, за време на прес-конференцијата во Женева вчера.

„Доказите не сугерираат врска помеѓу употребата на парацетамол за време на бременоста и аутизмот, а вредноста на вакцините што спасуваат живот не треба да се доведува во прашање“, рече тој вчера.

„Знаеме дека вакцините не предизвикуваат аутизам. Вакцините, како што реков, спасуваат безброј животи. Ова е нешто што науката го докажала и овие прашања не треба да се доведуваат во прашање“, додаде тој.

Доналд Трамп го поврза аутизмот со употребата на популарниот американски лек против болки тиленол за време на бременоста. Врската е направена произволно и не се базира на научни податоци.