Светската здравствена организација (СЗО) предупреди дека епидемијата на колера во 31 земја зема сè поголем замав и дека бројот на жртви продолжува да расте. Според најновите податоци, досега од болеста починале 4.738 лица.

Од СЗО посочуваат дека случаите на колера се шират глобално, а стапката на смртност бележи зголемување.

„Со оглед на обемот и меѓусебната поврзаност на епидемиите, ризикот од понатамошно ширење во рамките на земјите, но и меѓу нив, е многу висок“, се наведува во извештајот на организацијата.