Деведесетгодишен жител на селото Пруговац кај Алексинац бил пронајден мртов со каснувања од свиња по телото, дознава „Блиц“. Полицијата ги истражува околностите под кои настапила смртта.

Како што дознава „Блиц“, членови на семејството пронашле тело на маж со каснувања од свиња по телото, по што била известена полицијата. Засега се уште не се знае дали мажот прво починал па го изгризала свињата, или смртта настанала како последица на каснување од животното.

Како што неофицијално дознава „Блиц“, полицијата ги проверува сите околности под кои настапила смртта. Ова е трет случај на напад на свиња во областа Алексинац годинава.

Како што напиша „Блиц“, Снежана Радојковиќ (67) од Алексинац Бујмир на 30 јуни била тешко повредена кога ја изгризала свиња додека го враќала прасето кое претходно го однела бидејќи било повредено.

Свињата ја гризала по целото тело нанесувајќи и сериозни повреди, повредувајќи и го и окото.

Вториот напад се случил на 19 јуни, кога Милован Диниќ (51) од село Бован бил каснат од свиња во пределот на гениталиите, поради што се здобил со тешки повреди на тестисите. Еден од тестисите му бил отстранет поради тешка повреда.