Одборот на директори на Светска банка (СБ) го одобри Програмскиот заем за развојната политика на зелен раст (ДПЛ) – фаза 2, со кој се обезбедуваат 153,7 милиони евра за поддршка на продолжувањето на реформите што ги спроведува Србија со цел постигнување зелена транзиција, соопшти СБ.

„Втората фаза од овој програмски заем ја нагласува посветеноста на државните органи да ја поттикнат диверзификацијата на енергетскиот сектор, како и усогласувањето на домашните еколошки, правни и регулаторни рамки со оние кои важат во ЕУ. Одлично е да се види дека Владата на Србија ги искористи резултатите од претходните реформи за дополнително да ја забрза транзицијата кон поотпорна, одржлива и инклузивна економија“, рече Никола Понтара, директор на канцеларијата на СБ во Србија.

Како што е наведено во соопштението, заемот е втора фаза од програмската серија од две операции со кои продолжуваат и се подобруваат тековните активности за систематизирање на обележувањето на еколошки и родово чувствителни ставки во буџетот и проценка на потенцијалното влијание на природните катастрофи врз јавните финансии. Се очекува и Србија да ја забрза трансформацијата на енергетскиот сектор со зголемување на уделот на обновливите извори на енергија, oбјави Н1 Инфо.