На листата на Форбс за најбогати жени кои го изградиле своето богатство исклучиво преку сопствена работа, најмладата милијардерка повеќе не е Тејлор Свифт. Првото место го зазеде Луси Гуо, 30-годишна иновативна претприемачка од Лос Анџелес, основач на платформата „Passes“.

Нејзината приказна не е само за импресивни бројки, туку за континуирана работа, храброст да се преземат ризици и визија што ги поместува границите на технологијата и социјалните мрежи.

Oд програмeрка до милијардерка

Луси Гуо е ќерка на кинески имигранти кои пораснале во областа на Сан Франциско. Почнала да учи програмирање во средно училиште, а подоцна се запишала на престижниот „Универзитет Карнеги Мелон“ за да студира компјутерски науки. Сепак, набрзо донела храбра одлука да се откаже од колеџот, но тоа не ја спречило.

Во 2015 година, Гуо ја започнала својата кариера како дизајнер на производи во технолошката компанија Quora, каде што се запознала со Александар Ванг. Потоа кратко работела во Снепчет, а во 2016 година, заедно со Ванг, ја основале компанијата „Scale AI“, специјализирана за вештачка интелигенција. Иако се повлече од активното управување во 2018 година, таа задржува значаен удел во сопственоста, а истата година беше именувана на престижната листа на Форбс „30 под 30“, како еден од најперспективните млади таленти во технолошката индустрија.

 

View this post on Instagram

 

A post shared by Lucy Guo (@guoforit)

Нејзиниот тековен и можеби најимпресивен проект е платформата „Passes“, лансирана во 2022 година. Тоа е иновативно место каде што креаторите можат да изградат своја заедница и да комуницираат директно со своите обожаватели преку различни формати – пренос во живо, приватни пораки, поткасти и ексклузивна содржина.

За само две години, „Passes“ привлече повеќе од 50 милиони долари инвестиции, лансирајќи ја Луси во врвните редови на технолошката елита и давајќи ѝ нето вредност од 1,3 милијарди долари. Таа стана најмладата милијардерка во светот што сама си го создала своето богатство.

Некои извори, известуваа дека „Passes“ е предмет на тужби во кои се тврди злоупотреба на платформата за дистрибуција на експлицитна содржина, вклучително и обвинувања за малолетни корисници. Гуо и нејзиниот тим категорично ги негираат овие обвинувања и нагласуваат дека соработуваат со властите.

Луксузен живот во служба на работата

Иако моментално живее на две адреси, во Лос Анџелес и Мајами, Луси Гуо не е вообичаен љубител на луксуз. Во интервју во 2023 година, таа откри дека живее за работата. Нејзиниот дом во Лос Анџелес е на само пет минути од канцеларијата, а работата често започнува со возење на електричен скејтборд или во придружба на асистент.

Според неа, руча на своето биро, не готви, не купува намирници и живее од достава на храна. Таа исто така истакна дека никогаш немала вистински одмор бидејќи работи најмалку осум часа на ден, дури и кога патува.

Иако нејзиниот успех изгледа одлично однадвор, Луси не секогаш лесно се справувала со притисоците. На Инстаграм, таа отворено призна дека влегувањето во триесеттите години било предизвик за неа – особено затоа што не е мажена и нема деца, што, вели таа, често се смета за неуспех во кинеската имигрантска заедница.

Кој остана на листата на Форбс?

На врвот на листата на Форбс остана Дајан Хендрикс, коосновач на градежната компанија „ABC Supply“, со богатство од 22,3 милијарди долари. Од попознатите имиња, Опра Винфри е на 13-то место со 3,1 милијарда долари, додека Ким Кардашијан е 19-та со 1,7 милијарди долари.

Луси Гуо е пример за нова генерација претприемачи кои, со техничка експертиза, решителност и бескомпромисна работа, не само што ги бришат старите граници, туку и создаваат нови светови. Нејзината приказна е потсетник дека вистинското богатство се раѓа од визија и дисциплина, а не од случајност или наследство, пренесува „Она“.