Спојувањето на британската компанија „Ангол Американ“ и канадската „Тек Ресоурсис“ создаде еден од најголемите производители на бакар во светот, со работно име Ангол Тек.
Ова е најголемата аквизиција во рударската индустрија во последните десет години, а вредноста на новооснованата компанија се проценува на повеќе од 53 милијарди долари- шренесе Каматица.

Во новата компанија, „Ангол Американ“ добива удел од 62,4 проценти, додека „Тек Ресоурсис“ задржува 37,6 проценти. Седиштето на компанијата ќе биде во Канада, а примарната котација ќе биде во Лондон, со секундарни котирања во Јоханесбург, Ванкувер и Њујорк.

Спојувањето е одговор на растечката глобална побарувачка за бакар, поттикната од развојот на обновливи извори на енергија, електрични возила и вештачка интелигенција. Се очекува да се генерираат годишни заштеди од 800 милиони долари во текот на следните четири години.

Одобрувањето од страна на регулаторите сè уште е во тек, а процесот би можел да трае од 12 до 18 месеци. Посебно внимание е насочено кон регулаторите во Канада поради новите правила за странски инвестиции во стратешки минерали. Сепак, некои институции го нарекуваат спојувањето „единствено“ и силно го поддржуваат.

Новиот „Англо Тек“ ќе биде меѓу петте најголеми производители на бакар во светот во однос на комбинираните капацитети и ресурси, како што потврди Максимо Пачеко, претседател на чилеанскиот „Коделк“. Овој потег не е само стратешка деловна одлука, туку и индикатор за идните трендови во трговијата и индустријата, во ерата на транзиција кон зелена и дигитална економија.