Српскиот адвокат Стефан Чорда денеска изјави дека сведочењето на малолетникот Коста Кецмановиќ, кој на 3 мај лани уби деветмина соученици и чувар во ОУ „Владислав Рибникар“ во Белград, е важно за прашањето околу осудителната пресуда за неговите родители Миљана и Владимир Кецмановиќ и други лица на кои им се суди во оваа постапка.

Тој за агенцијата „Танјуг“ изјавил дека од сведочењето на момчето се слушнале причините зошто го извршил масовното убиство и додаде дека тие причини директно ги зголемуваат шансите за осудителна пресуда.

Чорда истакнал дека тој лично е поддржувач на идејата судењето на Кечмановиќ да биде отворено за јавноста поради работите во случајот, како што се фотографиите и видеоснимките, кои според него се вознемирувачки и за професионалците, а камоли за обичните граѓани.

Обвинението на 270 страници го товари таткото на 13-годишното момче за тешки дела против општата безбедност, односно дека го носел синот на стрелиште и го обучувал да ракува со огнено оружје, како и дека не ги обезбедил соодветно своите два пиштола со кои момчето ги извршило злосторствата.