Во еден возбудлив натпревар вицешампионот Еурофарм Пелистер едвај победи против Пролет со 24:23. Битолскиот состав во завршницата имаше минус од пет гола, но сепак на крајот стигна до триумфот.

Пролет водеше со пет разлика (21:16), но тогаш како да загубија здив и „пелистерци направија кам-бек, изедначувајќи на 22:22. По изедначувањето и поведоа со 24:22, па така направија исчекор кон победата.

Имаше Пролет и шут за реми, меѓутоа ударот на Аларов од десет метри заврши во дирекот на битолчани. Најефикасен беше Хосни со шест гола, Костески постигна четири. Во редовите на Пролет Аларов запиша пет погодоци, Павлевски четири.

Во останатите натпревари Охрид славеше против Вардар Неготино со 28:25, додека вториот тим на Еурофарм Пелистер немаше проблеми и убедливо го победи Јуниор Кисела Вода со 33:28. Победа забележа и Тиквеш против Голден Арт со 28:21.