Демократско право е на секој да протестира. Ние во изминатите три години се изборивме за слобода и демократија за разлика од она што беше режим кога буквално беше спречено правото на протест. Право е на транспортерите да протестираат, изјави денеска министерот за транспорт и врски Горан Сугарески.

Коментирајќи го денешниот протест на членките на „Макам-транс” за покачената акциза на горивата, Сугарески рече дека сепак не им држи тезата за протестот.

– Има три клучни аргументи. Прво, зголемувањето на акцизата е заради солидарност, заради граѓаните на оваа држава и апсолутно не е никаков дополнителен товар за било кого. Второ, цената на нафтата во моментов е помала за 20 денари во однос на јануари и февруари. Денеска со најновото намалување на цената на дизел горивото, таа е најниска во последните 20 години. Уште еден важен аргумент е тоа што цената на нафтата кај нас е најниска во споредба со сите земји од регионот, рече Сугарески, одговарајќи на новинарско прашање по направениот увид на градежните работи на првата делница на експресниот пат Штип-Кочани.

Додаде дека во дадената ситуација сите треба да бидат солидарни и да покажат разбирање