Предлог законот за изменување и дополнување на Законот за судските такси помина на Комисијата за политички систем. На дневен ред ќе се најде на утрешната собранска седница.

Во образложението на предлог законот пишува дека тој се носи за да се обезбедат услови за олеснување на пристап до правдата преку намалување на горниот праг на висината на судската такса за физички лица, таксени обврзници при поднесување на тужба, противтужба и предлог за повторување на постапката пред суд.

Законот има два члена и во првиот стои дека наместо досегашните 48.000 денари, таксата ќе изнесува 6.000 денари. И во вториот член дека законот влегува во сила осмиот ден од денот на објавувањето во Службен весник. Овие владини измени се во функција на олеснување на пристапот до правдата бидејќи таксениот обврзник при поднесување на тужба, противтужба и за предлог за повторување на постапката возависност од тоа дали истиот е правно лице или физичко ќе плаќа седум пати помалку од претходно.

Тарифиникот за тужба, противтужба и за предлог за повторување на постапка според вредноста на спорот е следниов: За тужба, противтужба и за предлог за повторување на постапка според вредноста на спорот до 10.000 денари судската такса ќе изнесува 480 денари, до 20.000 денари ќе се напралаќа 800 денари, над 40.000 денари – 1.200 денари, над 60.000 денари – 1.800 и над 100.000 денари  ќе се плаќа 2.000 денари. За судски спор кој изнесува над 100.000 во законот пишува дека се наплаќа уште 2% на секој започнат денар над 100.000 денари, а најмногу вкупно 48.000 денари.

Законот во прво читање на Комисијата за политички систем го поддржа и ВМРО-ДПМНЕ.

Предложените измени се во согласност со намерата на Македонија за членство во ЕУ и е во духот на реформите во областа на судството за негово натамошно унапредување.