Европскиот суд за човекови права во Стразбур утврди дека на поранешниот министер за транспорт и врски, Миле Јанакиески незаконски му бил продолжуван домашниот притвор во случаите за 27 април и за „Шпански скали“.

Случајот се однесува на две кривични постапки против г-дин Јанакиески, првата за терористичко загрозување на уставниот поредок и безбедноста, а вториот за злоупотреба на службената положба, при што, тој бил лишен од слобода со одлуки на домашните судови. Повикувајќи се на член 5 (право на слобода и безбедност), г-дин Јанакиевски се жали на наводна незаконитост и самоволие, немање релевантни и доволни причини и немање брз преглед на неговота лишување од слобода. Утврдена е повреда на член 5 став 3 поради немање доволно причини за лишување од слобода на жалителот и повреда на член 5 став 4 поради недостиг на ‘брзо’ преиспитување на лишувањето од слобода на жалителот – се наведува во пресудата.

Судот во Стразбур прифатил и дека Јанакиески претрпел штета поради незаконски притвори, при што одредена му е отштета.

Адвокатите на Јанакиески денеска на прес-конференција ќе соопштат детали во врска со Пресудата на ЕСЧП.