Судијката во Високиот суд во Санта Моника во Калифорнија ја отфрли тужбата против „Парамаунт Пикчрс“ (Paramount Pictures) поради гола сцена со малолетници во филмот „Ромео и Јулија“ од 1968 година.

Оливија Хуси и Леонард Вајтинг, актерите кои ги играа насловните улоги кога беа под 18 години во филмот на Франко Зефирели , поднесоа тужба до Врховниот суд во Санта Моника во Калифорнија на 30 декември. Тие ја обвинија продуцентската куќа за сексуално вознемирување, измама, сексуална злоупотреба и намерно нанесување на емоционална вознемиреност, се вели во пријавата.

Според судските документи добиени од „Пипл“ (PEOPLE), во четвртокот, судијката на Врховниот суд во Лос Анџелес, Алисон Мекензи, посочи дека ќе ја отфрли тужбата, велејќи дека содржината на филмот не се искачила на ниво на детска порнографија и истакнала дека тужителите не ги следеле сите чекори за усогласување со законот во Калифорнија.

Во соопштение за јавноста, адвокатот на актерите, Соломон Грисен „силно ја осуди“ одлуката на судијката, и рече дека планираат да продолжат со федерална тужба во врска со повторното реобјавување на „Ромео и Јулија“ во 2023 година.

„Ние цврсто веруваме дека експлоатацијата и сексуализацијата на малолетниците во филмската индустрија мора да се соочи и законски да се реши, за да се заштитат ранливите поединци од штета и да се обезбеди спроведување на постојните закони“, изјавил Грисен.