Во јавноста се добива впечаток како во фудбалот да се прави се за грешките на судиите да се сведат на минимум, а од Украина сега ни пристигнува едно необично решение.

Воведувањето на ВАР технологијата даде голем придонес во регуларноста на овој спорт на највисоко ниво, но Фудбалскиот сојуз на Украина на чело со Андреј Шевченко е спремен да оди чекор подалеку.

Имено, украинските медиуми пренесуваат дека Шевченко сака да воведе тестирање на судиите на полиграф.

Така судиите во Украина би се тестирале по еднаш или двапати месечно во текот на сезоната, а кој арбитар ќе седне на полиграфот ќе се избира по случаен избор.

„Сакаме да видиме кој судиите се, а кои не се за оваа работа“, порача Шевченко.

Претседателката на судискиот одбор на Украина, Катерина Монзул ја поддржа оваа идеја.