Без разлика како завршила вашата последна љубовна врска, ако се најдете себеси како размислувате за вашиот поранешен партнер додека мастурбирате, нема потреба да се срамите, бидејќи не сте сами.

Според ново истражување на „Ohdoki“, производителот на секс играчки, 76 проценти од мажите и 59 проценти од жените размислуваат за својот поранешен партнер додека мастурбираат.

И пред да се загрижите премногу, Кристи Оверстрит, докторка и сертифицирана сексуална терапевтка кажува дека фантазирањето за вашиот поранешен партнер може да значи различни работи.

Ако сте слободни и се наоѓате себеси како размислувате за вашиот поранешен партнер додека мастурбирате, тоа „може да биде здрав начин да се сетите што било добро во таа врска“.

Ако сте во врска и вашиот ум сè уште талка кон одредена личност додека мастурбирате, Оверстрит вели дека тоа не мора да биде ни лошо: „Може да се гледа како начин да ја искористите вашата мината врска за да ја подобрите вашата сегашна“.

Клиничкиот психолог и психотерапевт Памела Стивенсон Коноли, исто така, забележува дека размислувањето за минатите сексуални искуства – особено оние што сега се забранети – може да биде моќен извор на возбуда за многу луѓе за време на мастурбацијата.

Секако, не сите кои мастурбираат се фокусирани на своите поранешни – некои едноставно претпочитаат соло задоволство отколку секс со партнер. Само помислете на познатата епизода од „Сексот и градот“ во која Шарлот мислеше дека е „зависна“ од нејзиниот вибратор.

Истражувањето исто така, покажа дека 29 проценти од луѓето би сакале да мастурбираат отколку да имаат секс со партнер – вклучувајќи речиси една третина од мажите (31 процент) и нешто повеќе од една четвртина од жените (26 проценти).

Шведска студија, исто така, покажа дека жените мастурбираат во просек девет пати во период од 30 дена – околу двапати неделно. Кога ќе се собере сè, тоа остава малку време за акција со партнер.

– Мастурбацијата може да биде позадоволувачка од сексот затоа што луѓето точно знаат што им функционира, а што не. Кога мастурбирате, го контролирате ритамот, темпото и притисокот. Овој степен на прецизност ви овозможува да се фокусирате точно на она што ви одговара и да постигнете екстремно интензивни оргазми – објаснил Џема Најс, експерт за секс и врски.

Иако мастурбацијата е здрава и нормална, Најс забележува: „Ако премногу се потпирате на мастурбацијата за да постигнете сексуално задоволство, тоа може да влијае на квалитетот на вашата сексуална врска со вашиот партнер.“