Екипата на Струга Трим Љум официјално го промовираше Бледи Шкемби како нов шеф на стручниот штаб, кој ќе го наследи Илчо Ѓорѓиоски по завршувањето на минатата сезона.

Станува збор за стратег со сериозно искуство зад себе, кој златни страници испиша со Скендербеу, клуб со кој шест пати по ред ја освојуваше шампионската титула во Албанија, а успеа и да стигне до групната фаза од Лига Европ.

Во својата досегашна тренерска кариера, Шкемби бил на клупата на eкипи како Тирана, Теута, Динамо Сити, Лирија и Блкани. Има искуство и со младинските селекции на Албанија, предводејќи ги генерациите до 17 и до 19 години.

Со клубот од Струга потпиша договор на две години, со опција истиот да биде продолжен за уште една сезона, доколку двете страни бидат задоволни од соработката.