Пратеникот од владејачката коалиција „Вреди“, Халил Снопче, вечерва во гостување на ТВ21 рече дека земјава „страда од пандемија на неказнивост на лицата одговорни за корупција“.

Претходната влада, вели тој, не ги казнила осомничените за корупција и затоа државата се соочува со корупциска пандемија.

„Имаме пандемија на корупција. Кога ќе се спомне зборот пандемија, се поврзува дека нешто е болно, односно нешто слично како за време на Ковид. Кога имавме пандемија – граѓаните беа изолирани, додека кај нас претходната власт не презеде никакви мерки за изолирање на одговорните за корупција… Нормално, дефинитивно велиме дека сме болни“, рече Снопче.