Во вечерашното издание на емисијата „Само Вистина“ на Канал 5 гостуваше Дафина Стојаноска, пратеничка на ВМРО-ДПМНЕ, која ја критикуваше досегашната власт за критериумите при вработувањата во јавните институции.

„Креаторот на концептот ‘едно општество за сите’ е загубен. Кога точно ве напушти?“, го праша Стојаноска соговорникот од СДСМ, Фатмир Битиќи.

Стојаноска тврди дека СДСМ „не може да се фали само со етничката припадност на своите членови, додека истовремено создава лажни наративи и илузии за единството во општеството. „Какво ‘едно општество’ воведовте, кога всушност водевте вазални политики?”, рече Стојаноска.

“Можеби целите или намерите биле сосема други, но сведоци сме дека балансерот бил злоупотребуван. Единствениот критериум во институциите беше етничката припадност, што не само што заглави системот, туку и создаде неквалитет. Што толку ве навредува? Дали вашата горда Македонија не ви значи ништо или сакате да ги вртите тезите?”, праша Стојаноска, додавајќи дека моќта треба да се врати во рацете на секој граѓанин, а не во партиските структури.