Македонската тенисерка Магдалена Стоилковска го загуби првиот меч во Новата 2025 година, откако денеска е поразена во првото коло на ИТФ фјучрсот W35 Најроби во Кенија.

Поуспешна од Стоилковска беше Германката Лорена Шедел, во три сета 2:1 во сетови (6:3, 4:6, 6:2) за два часа и 40 минути игра. Турнирот се игра на земја и за награден фонд од 30.000 долари.

Стоилковска мечот и првиот сет го почна со водство од 3:0 во гемови, но противничката успеа да се врати резултатски и го доби првиот сет со 6:3 во гемови. Во вториот сет македонската тенисерка успеа да се врати и изедначи на 1:1 во сетови откако го освои вториот сет со 6:4 во гемови.

Во решавачкиот сет Стоилковска поведе со 1:0 во гемови, но ривалката повторно успеа да стигне до „брејк“ предност што ѝ донесе помирна завршница на мечот и пласман во следната рунда.

Македонската тенисерка ја очекува уште еден настап на фјучрс турнир следната недела во Најроби, но засега Стоилковска е дел од квалификациите на следниот фјучрс.