Тројца обвинители од згаснатото СЈО преминуваат во обвинителството за гонење на организиран криминал и корупција.

На денешната седница на советот на јавни обвинители, Лиле Стефанова, Артан Ајро и Трајче Пеливанов беа избрани за обвинители во Обвинителството кое гони криминал и корупција.

За место се тркаа и Фатиме Фетаи, Елизабета Јосифовска и Љубомир Лапе но тие не ја добија поддршката од советот на јавни обвинители. На седницата беа избрани уште двајца обвинители кои во иднина ќе треба да гонат криминал и корупција.

Поддршка од Советот на јавни обвинителите добија Наташа Поп Трајкова која доаѓа од Обвинителството во Струмица и Катерина Коларевиќ која во изминатите 11 години била обвинител во скопското јавно обвинителство.

За петте обвинителски места во Одделението за гонење криминал и корупција конкурирале 14-мина обвинители. На денешната седница која е во тек, советот ќе избира и петмина обвинители за Вишото Јавно обвинителство – Скопје.