Старински рецепт за посни кнедли кои многумина ги обожаваат. Лесно се прават, а потребни ви се само 4 состојки. Овие кнедли се вкусни и кога се празни, а можете да ги наполните со сливи или со друго овошје, како и со нутела.

Состојки:

– 500 грама компири
– 500 грама брашно
– лебни трошки (презла)
– замрзнати сливи (или овошје по ваш избор)

Подготовка:

Компирите убаво измијте ги и сварете ги сосе лушпа, бидејќи така ќе бидат повкусни. Процедете ги и оставете ги да се изладат, а потоа излупете ги. Додајте сол и брашно. Потоа убаво измешајте ги состојките за да добиете мазно тесто.

Земете малку тесто и ставете половина слива или кајсија, а по желба можете да додадете и некое друго овошје.

Од тестото направете топка и ставете ја во тенџерето со зовриена вода.

Кога ќе испливаат на површината, кнедлите се сварени. „Извалкајте“ ги во презла (лебни трошки) и посипете ги со ванилин шеќер.