Американскиот ланец на кафетерии „Старбакс“ го регистрираше својот заштитен знак во Русија и сака да произведува различни видови кафе, лесни грицки, гуми за џвакање, вафли и други производи под тој бренд. Врз основа на студијата на базата на податоци на руската агенција за интелектуална сопственост „Роспатент“, евидентно е дека барањето за регистрација на трговската марка „Старбакс“ е поднесено на 23 мај 2024 година и дека „Роспатент“ донел позитивна одлука, пренесува РИА Новости.

Првата кафетерија на „Старбакс“ во Русија беше отворена во 2007 година, а до февруари 2022 година имаше повеќе од 100 објекти на американскиот бренд во таа земја. Во март 2022 година, „Старбакс“ објави дека ја прекинува работата во Русија поради војната во Украина и ги затвори своите кафетерии, а бизнисот го презеде група руски бизнисмени кои го основаа синџирот кафе „Старс“ во напуштени згради, објави „СЕЕ.биз.еу“.