Во првото коло од групата А, кошаркарската репрезентација на Србија со 94:76 ја совлада Доминиканска Република во квалификациите за пламсан на Олимписките игри во Токио.
Српските кошаркари во овој натпревар влегоа како големи фаворити, но мораа добро да се испотат за победата. Притивникот три четвртини одлично им парираше на фаворизираните српски кошаркари, но во последната четвртина, Србија со серија од 9:0 дојде до предност од 78:69 по што предноста ја зголемуваше и на крајот таа изнесуваше 16 поени.

Центарот на Далас, Бобан Марјановиќ со 18 поени и 10 скокови беше прво име во селекцијата на Србија каде се истакнаа и Петрушев со 17 и Мициќ со 16 поени, додека кај Доминиранска Република најдобри беа Лиз и Куевас со по 16 постигнати поени.
Победнички старт имаа и фаворитите на другите турнири, Бразил со 83:57 го совлада Тунис додека Литванија со 76:65 беше подобра од Венецуела. Германија со 82:76 го совлада Мексико додека убедлив триумф оствари и Полска која со 83:64 ја победи Ангола.