Српскиот рапер Давид Љубеновиќ, попознат како Девито, се вери со својата девојка пред неколку месеци, а како што ексклузивно дознава српски „Курир“, сега двајцата се заколнале на вечна љубов.

Младиот изведувач ја организирал прославата во апсолутна тајност, па од своите 70-тина гости барал да потпишат бизарен договор за доверливост.

На секој од нив му било забрането да користи мобилен телефон, за да не се појават снимки и фотографии во јавноста. Покрај семејствата и пријателите, од српската естрада биле поканети само раперот Ем-Си Стојан и пејачката Теодора Џехверовиќ.

Венчавката била организирана во познат ресторан во Белград, а на новинарите од „Курир“, од страна на вработените, им било кажано дека не смеат ништо да коментираат, бидејќи и тие потпишале договор за доверливост.

Да потсетиме, Девито своевремено се сврши со девојка, на многу необичен начин. Имено, тој истакна дека наместо веренички прстен купил часовници за двајцата.