Српскиот тренер Владимир Јовановиќ остана без работа само затоа што му го честиташе роденденот на Владимир Путин.

Јовановиќ беше тренер на фудбалскиот тим од Естонија, Смрсах од каде што доби отказ по неговата последна порака на социјалните мрежи.

„Живеј уште долго, имењаку. Срби и Руси, браќа засекогаш“, напишал Јовановиќ на социјалните мрежи како честитка за Владимир Путин.

Набрзо по оваа порака клубот донел одлука да го отпушти поради „некоректно однесување“.

„Го почитувам секого, но никогаш нема да дозволам некој да ми кажува како да размислувам. Тоа се вика слобода на говор, тоа е демократија. Жал ми е што на оваа тема доживеав горко искуство“, изјави Јовановиќ.