Српската безбедносна агенција БИА, во соработка со полицијата и надлежното обвинителство, откриле нелегални активности на фарма кај Кучево, на истокот од земјата, близу границата со Романија.

Била пребарана куќа, како и други простории од имотот, при што биле пронајдени неколку куфери.

Во нив, според БИА, имало четири дронови со придружна опрема, контролер за контрола на дронот, виртуелни очила, опрема за „фаќање“ дронови во лет во вид на мрежи, опрема за воспоставување сателитска комуникација т.н. Star Link (рутер и сателитски примопредавател), радио станици и импровизирани рачно изработени батерии.

Пронајдени се и фосфор и други запаливи течности, како и часовници кои најверојатно служеле за активирање на запаливи материи, разузнавачки уреди (двоглед), лаптоп компјутер и воени маскирни елеци-кабаници.

Според првичните информации од српските власти, овој имот „како импровизиран камп го користеле одреден број странци, државјани на повеќе држави“.